Hemserekê HDPyî Sezaî Temellîyî seba weçînayîşê Stenbolî raya xo daye. Temellîyî rayîro hîrêyin nîşan da û va: “Şodir ma dest bi raywanîyêka derge bikerê.”
Hemserekê Partîya Demokratîke ya Şaran (HDP) Sezaî Temellîyî Stenbol de derheqê weçînayîşî de eşkerayîye daye. Temellîyî ard ziwan ke ê do rayîro hîrêyin de rayraşîyayîş û têkoşînê xo dewam bikerê. Temellîyî da zanayene ke rayîro hîrêyin, rayîrê xelisnayîş û demokrasî yo û ê do şodirê 24’ê Hezîrane ra tepîya bivejîyê raywanîyêka derg a aşitî û demokrasîyî.
Hemserekê HDPyî Sezaî Temelî, dimayo ke raya xo eşte sindoqe eşkerayîye daye. Temellîyî ard ziwan ke ê do şodirê 24ê Hezîrane ra tepîya dest bi raywanîyêka derg a rayîrê hîrêyinî, dest bi rayîrê demokrasîyî bikerê û wina dewam kerd: “Ma do rayîrê aşitî û demokrasîyî pîya dewam bikerê. Zêdetir demokrasî, zêdetir aşitîye, zêdetir edalet. Heta Komara Demokratîke bêra awankerdene ma do nê rayîrî de rayraşîyayîşê xo dewam bikerê. Têkoşînê ma têkoşînê edaletî yo. Têkoşînê ma yê xete û rayîrê hîrêyin ê Komara Demokratîke û Neteweya Demokratîke do dewam bikero.” STENBOL
