Salvegera 8’emîn a komkujiya Parîsê yê ku di 9’ê Çileya 2013’an de ji damezrînerên PKK’ê Sakîne Cansiz, Nûnera KNK’ê ya Parîsê Fîdan Dogan û endama Tevgera Ciwanan Leyla Şaylemez li paytexta Fransa Parîsê hatibûn qetilkirin. Komkujî wê ji aliyê kurdistaniyên li Ewrropayê ve li gleek bajaran bi çalakiyan bê şermezarkirin.
Li bajarê ku komkujî lê hate kirin, dê jinên kurd di 6 û 9’ê Çileyê de li qadan bin.
Aktîvîsta jinê Nûpel Mûnzûr bi navê Tevgera Jinên Kurd a li Fransayê (TJK-F) axivî û bi wesîleya salvegerê bang kir. Nûpel Mûnzûr bang li kurdistaniyên li her devera Ewropayê kir, bi taybetî jî yên li Parîsê kir ku bi xurtî tev li çalakiyan bibin.
Nûpel Mûnzûr Sakîne Cansiz, Fîdan Dogan û Leyla Şaylemez bi rêzdarî bi bîr anî û diyar kir ku komkujî ji aliyê MÎT’ê ve hat plankirin û bicihanîn û tiliya dewleta Fransayê jî tê de heye û wiha got: “Em ê îsal bi dirûşma ‘Yê ku fermana Komkujiya Parîsê da Erdogan e, bila bê darizandin’ li qadan bin”
Her wiha Mûnzûr diyar kir ku di 6’ê Çileyê de saet 11:00 dê ji ber Navenda Çanda Kurd a Ahmet Kaya heta ber buroya Cansiz, Dogan û Şaylemez lê hatin qetilkirin bimeşin û çalakiya bîranînê li dar bixin û got ku di 9’ê Çileyê de jî wê ji Gare de Nord ber bi qada Repûblîqûeyê ve bimeşin û ji bo vê meşê jî banga tevlibûnê kir. PARÎS
