Li navçeya Sultangazî ya Stenbolê tu mizgeft destûr neda ku wecîbeyên olî yên ji bo gerîlayê HPG’ê Abdullah Aygun pêk bên û li ser vê yekê malbat canezeyê kurê xwe bir Cemxaneya Gaziyê
Malbata gerîlayê HPG’ê Abdullah Aygun ku di 4’ê çileyê de li Îdîrê şehîd bû, cenazeyê kurê xwe ji bo veşartinê duh anî Stenbolê. Malbatê ji bo vecibeyên olî cenazeyê kurê xwe Aygun bir mizgefteke navçeya Sûltangaziyê. Lê belê li gorî nûçeya ANF’ê tu mizgeftên navçeyê destûr nedane ku wecîbeyên olî yên ji bo Aygun pêk bên. Li ser vê yekê malbata Aygun cenazeyê kurê xwe ji neçarî bir Cemxaneya Gaziyê.
Piştî ku li cemxaneyê wecîbeyên olî pêk hatin, malbatê xwest cenazeyê Aygun li Goristana Gaziyê bispêre axê. Lê vê carê jî polîsên tirk rê birîn, zext li malbatê kirin û ji malbatê re gotin ku yan derengiya şevê yan jî berbanga sibê cenazeyê kurê xwe veşêrin. Li ser vê yekê malbat neçar ma ku îro danê sibehê zû cenazeyê kurê xwe Aygun li Goristana Gaziyê veşêre. STENBOL
