Navenda Nûçeyan
Konfedarasyona Sendîkaya Kedkarên Cemaweriyê (KESK) li gelek bajaran ji bo Budçeya Giştî ya Navendî ya Sala 2021’an daxuyanî da.
Platforma Şaxên KESK’ê ya Amedê li ber avahiya Defderdariya Amedê daxuyanî da çapemeniyê û budçeya tê ferzkirin rexne kir. Platforma Şaxên KESK’ê ya Antalya jî li avahiya Şaxa Egîtîm Sen’ê di derbarê budçeyê de daxuyanî da çapemeniyê. Platforma Şaxên KESK’ê ya Mêrsînê jî têkildarî budçeyê daxuyaniyek nivîskî da. Di daxuyaniyan de hat gotin ku ew budçeya ji bo berjewendiyên aliyekî ye û xizmeta şer dike qebûl nakin û ev budçe ne budçeya wan e.
