10’emîn Lijneya Giştî ya HDK’ê bi dawî bû. Di encama lijneya giştî de Îdîl Ugurlu û Sedat Şenoglu weke hevberdevkên HDK’ê hatin
10’emîn Lijneya Giştî ya Kongreya Demokratîk a Gelan (HDK) bi dawî bû. HDK’ê piştî axaftinan û raporên di lijneyê de hatin xwendin, hevberdevkên xwe hilbijart. Di encama hilbijartinê de Îdîl Ugurlu û Sedat Şenoglu weke hevberdevkên HDK’ê hatin hilbijartin.
Di lijneya Giştî ya HDK’ê de rêzikname jî hate guhertin. Di rêziknameyê de hêjmara endamên meclisa giştî ji 121 kesan daxistin 101 kesan. Ji bo lijneya giştî jî tevî hevberdevkan ji 25 kesan daxistin 19 kesan. Di rêziknameyê de pênaseya LGBT yan wekî LGBTİ+ hate guhertin. Di rêziknameyê de xala avakirina meclisa temenmezin û teqawîtan lê hate zêdekirin.
Dîsa biryar dan ku komîsyona edaletê bê avakirin û têkoşîna li dijî Projeya Kanal Îstanbul wekî têkoşînek sereke hate dîtin. Ji bo 10’emîn Meclisa Giştî ya HDK’ê 101 kes hatin hilbijartin. ENQERE
