Baroyê Amedî, Komeleya Perwerde, Kultur û Paştdayîşî ya Şêx Seîd û wasîyê Şêx Seîdî Kasim Firatî semedê eşkerakerdişê cayê gorê Şêx Seîd û 46 embazanê ci yê ke 1925 de ameybî daliqnayene, muracatê Wezîrîya Karanê Zereyî kerdbi.
La prosesê ke 2019î de dest pêkerd, wezîrîye cewab nêdabî muracatî. Naye ra dima înan muracatê Mehkemeya Îdareyî ya Anqara kerdbi û mehkeme zî Wezîrîya Karanê Zereyî ra pawitiş waşt û waşt ke belge û agahîyê nê warî mehkeme rê bêrê erşawitene.
Wezîrîya Karanê Zereyî cewab da mehkeme. Wezîrîye nuştişê xo de îdîa kerd ke ê hetê bihusumet nîyê û vat dewa înan eleqedar nêkena coka gerek dewa bêro redkerdene.
Avûkatê Baroyê Amedî û keyeyê Şêx Seîdî Mehdî Ozdemîrî vat: “Wezîrîyê bi redkerdişê parekerdişê belgeyan mojna ke nêwezanê cayê mezelê Şêx Seîdî bêro zanayene. Wezîrîye bi nê qerarê xo heqê urmetê cuyeya keyeyî binpay keno.” AMED
