Navenda Nûçeyan |
Zanayê gel û çapemeniya kurd Mûsa Anter (Apê Mûsa) di 100 saliya xwe de ye. Bi boneya sed saliya Apê Mûsa, Weşanxaneya Aramê di çarçoveya kampanyaya “Apê Mûsa 100 Salî ye” de xebata pirtûka bi navê “Bîranînên Mûsa Anter” da destpêkirin.
Di xebata pirtûkê de dê malbat, xizm, dost, heval û xwendekarên wî yên rojnameger, Apê Mûsa vebêjin. Edîtoriya pirtûkê jî dê rojnameger Huseyîn Aykol bike. Pirtûk dê di demekî kurt de bê berhevkirin û ji aliyê Weşanxaneya Aramê ve bê weşandin.
Weşanxane dê xwe bigihîne kesên ku bîranînên wan bi Apê Mûsa re hene. Dîsa kesên ku bîranînên wan bi Apê Mûsa re hene dikarin xwe bigihînin weşanxaneyê. Li aliyê din Weşanxaneya Aramê gelek pirtûkên ku Apê Mûsa nivîsandine jî dê bi wesîleya 100 saliya wî pêşkêşî xwînerên wî bike.
e-maîla ku kesên dixwazin bîranînên xwe yên bi Apê Mûsa re bişînin wiha ye: araramyayin@yaho.com.tr
