Merdimê hepsîyan dîyar kerdî ke waştişê Leyla Guvene 59 rojî yo ke grevê vêşanî de ya, waştişê înan o û vatî: “Ganî kes bêveng nêmano. No xoverdayîş seba ma hemin e û Rayberê ma ameyo destpêkerdiş
Hemsereka KCDî û parlamentera HDPî ya Colemêrgî Leyla Guvene hepisxaneyê Tîpê E yê Amedî de tepişnayîya, bi amancê wedartişê tecrîdê serê Rayberê PKKî Abdullah Ocalanî dest bi grevê vêşanî yê bêdem û bêdor kerde û roja 59in de dewam keno. Bi eynî waştişî 16ê Kanûne de 9 hepisxaneyê cîya de grevê vêşanî ame destpêkerdiş û na çalakî roj bi roj pîl bena. Leyla dir problemê weşîye dest pêkerdî. Cinîyan bale ante serê rewşa Leyla û hepsîyê bînan û vengdayîşê hîsgêrî kerdî.
Xeme Peyana ke taxa Gundogdu yê Îpekyolê Wanî de cuyena, arde ziwan ke keyeyê hepsîyan wayîrê çalakîyê hepisxaneyî vejîyenê û wina vatî: “Ma piştdayîş danê domananê xo. Fikr û ewnîyayîşê ma qetî nêvuryenê. Heta tecrîd peynî nêbo do çalakîyê ma dewam bikerê. Ma do piştdayîşê xo dewam bikerê.”
‘No xoverdayîş seba ma hemine yo’
Fehîme Peyane ke domanê aye zî hepisxane de yê, da zanayîş ke bedenê domananê înan helîyeno la fikr û ewnîyayîşê înan serê lingan de yo û wina va: “Do qetî netîceyêke bêro girewtiş. Ganî her kes piştdayîş bido grevê vêşanî. Hende merdiman seba azadî ganê xo da. Hepsî xo ver danê. Wa kes bêveng nêmano. No xoverdayîş seba ma hemin e ame destpêkerdiş.” WAN
