Rojnameya Xwebûnê vê hefteyê bi manşeta “Gavên şênber lazim in” derket. Rojnameyê bal kişand ser nakokiyên dewletê yên li hemberî peyama Rêberê Gelan Abdullah Ocalan û polîtîkayên li dijî çareseriyê. Her wiha polîtîkayên dewletê yên şer, qeyûm, girtin û binçavkirinan jî mijarên rojnameyê bûn.
Rojnameyê di surmanşetê de cih da kirmanckî û bi sernavê “Dewlete tîtikê dizdan a” bal kişand ser feraseta dewletê ya qeyûman. Her wiha di rûpela yekemîn de bi sernavê “Ambulansan bombe dikin” bal kişand ser êrîşên dewleta Tirk ên li dijî Bakur û Rojhilatê Sûriyeyê û hedefgirtina sivîlan.
Rojnameyê di rûpela hevpeyvînê de jî cih da nirxandinên Hevseroka MEBYADER’ê ya Mêrdînê Gurbet Tekîn ên der barê nêzîkatiya dewletê ya li hemberî çareseriya pirsgirêka Kurd û sekna Rêber Apo.
