Li gundê Taloka yê navçeya Qilebanê ya Şirnexê, danê sibê li dijî endamê Meclîsa Şaredariya Sêgirkê yê Partiya Wekhevî û Demokrasiyê ya Gelan (DEM Partî) û rêveberê partiyê Ahmet Gun û kurê wî Abdurrahîm Gun êrîşa çekdarî pêk hat. Rêveberê DEM Partiyê Ahmet Gun di êrîşa çekdarî de jiyana xwe ji dest da, kurê wî Abdurrahîm Gun jî bi birîndarî xilas bû.
Ji kujeran 3 jê cerdevan in
Der barê êrîşê de agahiyên nû derketin holê. Li gor agahiyên ku hatine bidestxistin, Enver Babat (60), Omer Yarar, Sıddik Babat û kurê wî Ebubekir Babat êrîş pêk anîne. Der barê kujeran de biryara lêgerînê hat dayîn. Kesên navborî nehatin dîtin, piştre hat hînbûn ku Enver Babat ji bo îfade bide teslîmî leşkeran bûye.
Hate zanînku Enver Babat û Siddik Babat ên ku tê îdiakirin êrîş pêk anîne cerdevan in û kurê Siddik Babat, Ebubekir Babat jî berê cerdevan bû lê ji cerdevaniyê hatiye îxrackirin.
