Partiya Herêmên Demokratîk (DBP), 7’emîn Kongreya xwe ya Asayî li Navenda Bazirganiyê ya Cîhanê ya li Enqenreyê li dar xist. Di encama dengdanê de hevserokên heyî Çîgdem Kiliçgun Uçar û Keskîn Bayindir dîsa hatin hilbijartin. Jinên tevlî kongreyê bûn têkildarî pêvajoyê JINNEWS’ê re axivîn.
Hevseroka DBP’ê ya Êlihê Mehdiye Demîr diyar kir ku kongreya wan baş û tije derbas bûye û wiha got: “Em ji bo 7’emîn kongreya xwe hatin vir. Me kongreya xwe li dar xist. Gelek baş derbas bû. Hevserokên me peyamên xurt dan. Vê kelecanek mezin afirand. Heyeta bi serokatiyê re hevdîtin kir hêzê dide me. Daxawza me ev e ku demildest aştî pêk bê. Bi salane em li bendê vê rojê ne. Hêviya me ew e ku ev pirsgirêka çareser bibe û gelê me azad bibe.”
Mehdiye Demîr daxuyakirin ku li Rojava şerê qirêj tê meşandin û wiha dawî lê anî: “Şer tên jiyîn, komkujî tên kirin. Em şerê li hember Rojava şermezar dikin. Lanet dikin. Hêvî û daxawza me ev e ku Rojava demildest azad be û ev şer bi dawî bibe.”
Hevseroka DBP’a Sêrtê Muazzez Bulga jî balkişand ser azadiya fîzîkî ya Abdullah Ocalan û wiha dirêjî dayê: “Her çiqas destilatdarî destê xwe bide jî tecrîd didome. Şer didome. Hîna li Rojava mirov tên qetilkirin. Dayik rondikan dibarînin. Çi ji destê me bê em ê bikin. Em ê her tim bêjin aştî û azadî. Yekane rojeva me azadiya Abdullah Ocalan e.”
Hevseroka DBP’a Dîlokê Candan Yavuzer diyar kir ku divê beriya her tiştî tecrîd were rakirin û wiha axivî: “Wek hevserokên me gotin em ê her tim li qadan bûn. Em ê çalakiyên xwe bidomînin. Ez ji hemû hevalên xwe re gelê xwe re serkeftinê dixwazim.”
Endama Meclîsa DBP’a Dîlokê Zubeyde Ûgûrlû jî wiha nêrînên xwe anî ziman: “Em ê vê demê xebatên xwe hîn bêtir xurt bikin. Bêguman rojeva sereke rakirina tecrîdê ye. Em ê di vî alî de xebatên xwe bimeşînin.”
