Yekîneya Tolhildanê ya Şehîd Soro Amed bi daxuyaniyekê ragihand ku yekîneyên wan li Stenbolê du endamên MÎT’ê hedef girtin û di encamê de her du jî bi giranî birîndar bûn
Yekîneya Tolhildanê ya Şehîd Soro Amed bi daxuyaniyekê ragihand ku yekîneyên wan di 13’ê çileyê de li navçeya Bahçelîevler a Stenbolê li dijî du xebatkarên MÎT’ê bi bombeyên destan çalakî pêk anîn.
Yekîneyê di daxuyaniyê de destnîşan kir ku dema ku endamên MÎT’ê di wesayîtê de ji hêla endamên wan ve hatiye hedefgirtin û ev agahî dan: “Di encama çalakiya yekîneyên me de 2 endamên MÎT’ê bi giranî birîndar bûn û ziyaneke mezin giha wesayîtê.”
Daxuyanî wiha bi dawî bû: “Medyaya derewîn a desthilata AKP-MHP’ê nûçeya ku tûpa LPG’ê teqiyaye serwîs kirin û wiha hewl dan ku ser rastiyan bigirin. Em diyar dikin çalakiyên me yên li dijî endamên MÎT’ê yên li Kurdistanê û Tirkiyeyê û hemû hevkarên wan dê bidomin.”
