Serra 2016î de Misrê de mumyayêk ame vînayene û ameyêne vatene ke na mumya aîdê rahîb Hor-Djehutî ya. Na mumya Muzeya mîyanneteweyî ya Polonya de ameyêne nimitene. Badê cigêrayîşanê arkeologa name vatene ke na mumyaaîdê cinîyêka dicane ya.
Goreyê malumatê ke The First Newsî pare kerd, zanistê Polonyaye mumya ser de cigêrayîşan kerdî û vejîya raşte ke mumyaya ke bi bandêk ameya lefnayene cinîyêka dicane ya. Zanistî mumya ser de cigêrayîşê tomografîk, rontgen û dîmenê 3Dyî kerdî û vatî ke cinîya mumya hewteyê 26-28. ê dicaneyîya xo de ameya mumyakerdene.
Cinîya ke sebebê mergê aye nêame tespîtkerdene mabenê 20-30 serrî de ya. Na mumyaya dicane mumyaya yewine ya dicane ya.
Derheqê mumyaya dicane de Enstîtuya Deryaya Sipî û Kulturê Rojhelatî, Akademîya Polonya ra zanistê polonyayij û Wojciech Ejsmondî da zanayene ke na mumya ya dicane hetê tarîxî de zaf muhîm a û wina vat: “Wexto ke na cinî ameya mumyakerdene, fetus pîzeyê aye ra nêameyo vetene. Çîyêko yewine yo ma raştê çîyêko winasî yenê.” Çime: Rojnameyê Xwebûn
