Zeynep Topala 27 serrî ke timî raştê şîdetê sîstematîk yê camêrdo ke ci reyde zewecnayebî Osman Topalî ameyêne, hetê no şexsî ra bi zorî sitargehê cinîyan ra ameye berdene û qezaya Kanîreşî ya Çewlîgî ameye qetilkerdene. Zeynepe şîdeto ke Osman Topalî ra vînayêne vera 2 aşme verê Çewlîgî ra şîbî Stenbol û ewja de muracatê Qereqolê Polîsan yê Sultanbeylî kerde. Badê muracatî Zeynepe sitargehê cinîyan de ameye bicakerdene. Camêrdo bi nameyê Osman Topalo ke adresê sitargehê Zeynepe musa şî sitargeh û Zeynepe bi zorî berd Çewlîg.
Cenazeya Zeynepe vîzêr saetanê şewe de Sîteya Sanayî ya taxa Turgut Ozalî de ameye vînayene. Cenaze wedarîyaye morgê Dezgeyê Tibê Edlî (ATK) yê Çewlîgî û badê gureyê otopsî do cenaze dewa qezaya Kanîreşî ya Kaynakî de bêra definkerdene.
Ame zanayene ke kerdox Osman Topal û 2 kesê bînî ameyî destbendkerdene.
Derheqê qetilkerdiş Zeynepe de tehqîqat dîya destpêkerdene. ÇEWLÎG
