Navenda Nûçeyan |
Duh li navenda Efrînê teqîneke mezin pêk hat û di encama teqînê de bi dehan kesan jiyana xwe ji dest dan. Têkildarî mijarê berdevkê Yekîneyên Parastina Gel (YPG) Nûrî Mehmûd daxuyaniyek da.
Nûrî Mehmûd da zanîn ku di dîroka 28’ê nîsana 2020’an de bi rêya seyareyeke sotemenîbarkirî li bajarê Efrînê teqînek pêk hatiye. Mehmûd destnîşan kir ku hinek derdoran bêyî ku mijar were teqezkirin, bi awayekî lezgîn YPG ji vê bûyerê berpirsyar girtiye.
Mehmûd ev îdia red kir û got: “Ev tohmet û tawanbarî dûrî rastiyê ne. Tu têkiliya hêzên me bi vê teqînê ve nîne.”
