Merkezê Îrtîbatî û Çapemenîye yê Yewinanê Pawitişê Cinîyan (YPJ) bi eşkerayîyêke da zanayene ke înan cinîya êzidîye Firyale Xidir destê cerganê DAIŞî ra xelisnaya.
YPJyî eşkerayîya xo de wina vat: ”Wexto ke DAIŞî 2014 de hêrişê Şingalî kerd bi taybetî hêrişê cinîyan û domananê kênayan kerd. Firyale o çax 14 serre bîye. Firyala ke nika 21 serre ya, ma rê qisey kerd û ard ziwan ke DAIŞî aye reyde xeylêk cinîyî û domanê kênayî remnayê û sey aye kênayê domanî û cinîyî rotî.”
Firyale YPJyî rê dîyar kerd ke cerganê DAIŞî 5 reyî a rota, aye hema ke 15 serre bîye domanêke arda dinya. Firyale da zanayene ke cergan a berda xeylêk cayan û tewr peynî aye Îdlîb de şerwananê YPJyî de têkilîye naya ro. Firyale pare kerd ke a nêzanena ke merdimê ci merde yê an weş ê.
