YSK weçînayîşê Meclîsê Pêroyî yê Bajaran û Weçînayîşê Şaredarîyan de, babeta hûmartişê rayan û qeydkerdişî de bedilnayîşan viraşt.
Heyetê Weçînayîşî yê Berzî (YSK) qerar vet û çarçeweya qerarî de weçînayîşê herêmî ke do 31ê Adare de pê bêro de bedilnayîşan viraşt. No bedilnayîş Rojnameyê Fermî yê hûmara mukerrer de ame weşênayîş. Goreyê Pêronameyê 138, xala 43an Barajo yewin wezîfeyê sindoqan dîyar keno û do kesê ke hetê serekê sindoqan ra ameyî wezîfedarkerdiş yew bi yew zerfê rayan sindoqan ra bivejî û bidî serekê sindoqan. Do serekê sindoqan verê ke rayan hûmarî do goreyê tewirê weçînayîşî pusulayê rayan biqeliblî û ronî mase ser. Badê ke no gure qedîya do pusulayan bi hawayo ke her kes bivîno û bieşnawo nîşan bido û biwano.
Eke pusuayê rayan yê seba keyayî ameyî ronayîş ra hûmara rayan yê weçînitoxan ra zêde bibî do reyna pusulayan bikerî zerfan û bikerî sindoqan. Dima ra do hûmarêka qasê rayanê zêde zerf bêrî vetiş û verê ke bêrî akerdiş cîya cîya bêrî paketkerdiş û zabitname bêro tepiştiş. Badê ke gureyê weçînayîşî biqedîyo do na babete ser de bêra vindetiş. ANQARA
