Efe Tektekîn ku wesayîta zirxî lê qelibî û birîndar bû, li nexweşxaneya ku lê tedawî didît jiyana xwe ji dest da. Kalê Tektekîn, Mehmet Tektekîn (85) jî di 2018’an de TOMA lê qelibîbû û jiyana xwe ji dest dabû
Li aliyekî hêzên dewleta tirk bi hêza ku ji desthilatiya rejîma AKP/MHP’ê digire bi çekan welatiyan dikuje, li aliyê din jî bi wesayîtên xwe yên zirxî pê li mirovan dikin, dihejiqînin û dikujin. Herî dawî di 11’ê îlonê de li Rezana Amedê wesayîta zirxî ya polîsan pê li zarokê 6 salî Efe Tektekîn ê li ser Kolana Emekê ya taxa 5 Nîsanê kir û Tektekîn jiyana xwe ji dest da.
Wesayîta zirxî ya polîsan ku pê li Tektekîn kir û li Nexweşxaneya Zanîngeha Dîcleyê dihat tedawîkirin, jiyana xwe ji dest da, cenazeyê wî ji bo otopsiyê anîn Nexweşxaneya Dewletê ya Selahattîn Eyûbî. Malbat dê piştî otopsiyê cenazeyê Tektekîn li Goristana Yenîkoyê defin bikin.
Hêjayî bibîrxistinê ye ku kalê Tektekîn, Mehmet Tektekîn (85) jî di 6’ê hezîrana 2018’an de TOMA lê qelibîbû û jiyana xwe ji dest dabû. AMED
