Hemserekanê Pêroyîyan ê DEM Partî Tulaye Hatîmogullari û Tuncer Bakirhanî vizêr roja hîrêyîne ya Roşanê Qurbanan de Şaredarîyê Şirnex û Mûşî zîyaret kerdî.
Tulaye Hatîmogullari heyetê xo reyde Şaredarîya Kerboranî ya Mêrdînî û Şaredarîya Deşta Darê ya qezaya Hezexî ya Şirnexî zîyaret kerdî. Heyet tîya ra derbazê Şaredarîya Cizîre bi. Tulaye Hatîmogullari Cizîre de xîtanê şarî kerd.
Tulaye bale ante qiseyê ‘nermbîyayîşî’ yê Erdoganî ser û vat: ”Zûra înan a nermbîyayîşî Colemêrg de eşkera bîye. Qeyûmanê înan şaredarîyê ma wêran kerdê. La ma do bi pêro îmkananê xo xizmetê şarî bikerê.”
Hemsereke dima Şaredarîyê Silopî û Gundikê Melê zî zîyaret kerdî.
Hemserek Tuncer Bakirhanî Şaredarîyê Mûş, Milazgîr, Gimgim, Kopî yê Mûşî û Şaredarîya Ovakişla ya Bedlîsî zîyaret kerdî.
Bakirhanî zîyaretê Şaredarîya Mûşî de ard ziwan ke şarê Mûşî xizmet nêdîyo û vat: ”Pêro çimeyê Mûşî terefgiranê îqtîdarî rê ameyo pêşkêşkerdene. Ma do bi feraseto ke şarê ma heq keno do xizmet bikerê.”
