Sazumankarê AKP’ê û parlamenterê HDP’ê yê Berê Dengîr Mîr Mehmet Firat li nexweşxaneya lê dihat dermankirin jiyana xwe ji dest da
Sazumankarê AKP’ê û Parlamenterê HDP’ê yê Mêrsînê Dengîr Mîr Mehmet Firat li Nexweşxaneya Bayindir a Enqereyê ku lê dihat dermankirin jiyana xwe ji dest da. Dengîr Mîr Mehmet Firat, di 8’ê tebaxa 1943’an de li Navçeya Kalikê ya Semsûrê ji dayik bûbû. Li Beşa Hiqûqê ya Zanîngeha Enqereyê xwendibû. Parêzerê serbest bû û karê çotkarî û rençberiyê dikir. Piştre tev li siyasetê bû. Di nava sazumankariya AKP’ê de cih girt. Di serdema 21’emîn de li Semsûrê bû wekîlê AKP’ê, di serdema 22’emîn de li Mêrsînê bû wekîl. Di serdema 23’emîn de li Edene bû wekîl. Piştre derbasî HDP’ê bû û li Mêrsînê bûbû wekîl.
HDP’ê diyar kir ku wê cenazeyê Mîr Dengîr Mehmet Firat dê piştî nimêja xutbê ya înê li Enqereyê defin bikin. ENQERE
