Di operasyona leşkerî ku li bejahiya herêma Omeriyan a Mêrdînê hat destpêkirin de Midurê Şaxa Tevgera Taybeta a Polîsan (POH) Tûfan Kansûva mir û gelek polîsên POH, leşker û cerdevan jî birîndar bûn
Di operasyona leşkerî ku li bejahiya herêma Omeriyan a Mêrdînê saetên serê sibehê hat destpêkirin de di navbera gerîlayên HPG’ê û hêzên dewletê de şer derket. Li gorî çavkaniyên herêmî di şer de komên tevgerên taybet û cerdevan jî di nav de gelek kes birîndar bûne û birîndaran saetên serê sibehê bi 3 helîkopteran anîne Nexweşxaneya Dewletê ya Mêrdînê. Hat hînbûn ku yek ji birîndaran Midurê Şaxa Tevgera Taybeta a Polîsan (POH) a Mêrdînê Tûfan Kansûva ye. Li gorî daxuyaniya ku ji aliyê Walîtiya Mêrdînê ve hat dayîn li gel hemû mudaxaleyan jî Kansûva nehatiye rizgarkirin û miriye. Li gorî heman daxuyaniyê cerdevanên birîndar jî hene. MÊRDÎN
